Anna Danılına Doha týrnıriniń 1/8 fınalyna ótti

ASTANA. KAZINFORM – Qazaqstannyń juptyq syndaǵy birinshi, álemniń 19-raketkasy Anna Danılına Doha (Qatar) WTA 1000 týrnıriniń ekinshi aınalymyna joldama aldy.

Jarystyń 7-raketkalary bolyp tirkelgen A.Danılına – reseılik Irına Hromacheva betashar matchta slovakııalyq Tereza Mıhalıkova – ulybrıtanııalyq Olıvııa Nıkollstyń mysyn basty.

Birinshi partııada qazaqstandyq-reseılik jup 7:5 esebimen basym tússe, ekinshi sette de sol qarqyndarynan taımady – 6:4.

Bir saǵat 38 mınýtqa sozylǵan báseke barysynda Danılına – Hromacheva 2 eıspen birge 11 breık-poınttyń úsheýin paıdalandy. Mıhalıkova – Nıkolls 1 eıs, 1 breıkten (5 breık-poınt) asa almady.

Anna Danılına – Irına Hromacheva shırek fınalǵa shyǵý úshin japonııalyqtar Sıýko Aoıama – Erı Hodzýmımen talasady.

Dohada jekeleı synda Elena Rybakınanyń qarsylasy belgili boldy. Qazaqstandyq tennısshi ekinshi aınalymda reıtıngide 47-satydaǵy amerıkalyq Pıton Stırnspen kezdesedi. Amerıkalyq sportshy bastapqy kezdesýinde álemniń 49-raketkasy, ýkraınalyq Daıana ıAstremskaıany joldan taıdyrdy – 7:5, 6:3.

Eske sala keteıik, budan buryn ıÝlııa Pýtıntsevanyń Dohadaǵy iri jarysty jeńispen bastaǵanyn jazǵan edik.