Anna Danılına Tsıntsınnatı týrnıriniń shırek fınalyna shyqty
NUR-SULTAN. QazAqparat – Qazaqstannyń juptyq syndaǵy birinshi, álemniń 21-raketkasy Anna Danılına Tsıntsınnatı (AQSh) WTA 1000 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi brazılııalyq Beatrıs Haddad Maııamen birge ekinshi aınalymda jarystyń 3-raketkalary, japonııalyq Ena Shıbahara - qytaılyq Chjan Shýaımen kezdesti.
Qazaqstandyq-brazılııalyq jup 6:3, 6:3 esebimen basym tústi.
Bir saǵattan sál astam ýaqytqa sozylǵan báseke barysynda Anna men Beatrıs 2 eıs jasap, 9 breık-poınttyń úsheýin paıdalandy. Qarsylastary 2 eıspen ǵana kózge tústi.
Qazaqstandyq-brazılııalyq jup jartylaı fınalǵa shyǵý úshin dodanyń 7-raketkalary, ýkraınalyq Lıýdmıla Kıchenok – latvııalyq Elena Ostapenkomen talasady.
Eske sala keteıik, budan buryn Elena Rybakınanyń alǵash ret Tsıntsınnatı týrnıriniń shırek fınalyna shyqqanyn jazǵan bolatynbyz.
E.Rybakına shırek fınalda álemniń 24-raketkasy, amerıkalyq Medıson Kızben kortqa shyǵady. Ol úshinshi aınalymda álemniń 1-raketkasy, Polsha ókili Iga Sventekti utyp ketti – 6:3, 6:4.
Foto:ktf.kz
