Anna Danılına Tsıntsınnatı týrnırin jeńispen bastady
NUR-SULTAN. QazAqparat - Qazaqstandyq Anna Danılına juptyq synda Tsıntsınnatı (AQSh) WTA 1000 týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi brazılııalyq Beatrıs Haddad Maııamen birge alǵashqy aınalymda aýstralııalyq Samanta Stosýr - taıbeılik Latısha Chanmen kezdesti.
Qazaqstandyq-brazılııalyq jup 6:3, 7:6 (7:5) esebimen aıaqtaldy.
Saǵat jarymnan astam ýaqytqa sozylǵan matchta Anna men Beatrıs 2 eıs jasap, 8 breık-poınttyń teń jartysyn paıdalana bildi. Qarsylastary 2 breıkpen (4 breık-poınt) kózge tústi.
Anna Danılına men Beatrıs Haddad Maııa shırek fınalǵa shyǵý úshin japonııalyq Ena Shıbahara - qytaılyq Chjan Shýaımen talasady.
Beatrıs pen Anna bıyl jyl basynda Sıdneı WTA 500 dodasynda úzdik shyqqan edi.
Eske sala keteıik, budan buryn Elena Rybakınanyń Tsıntsınnatıde «Úlken dýlyǵa» týrnıriniń eki dúrkin chempıonyn utqanyn jazǵan bolatynbyz.
Foto: ktf.kz
