Anna Danılına Chehııadaǵy jarystyń shırek fınalyna shyqty
ASTANA. QazAqparat – Qazaqstannyń juptyq syndaǵy birinshi, álemniń 21-raketkasy Anna Danılına Ostrava (Chehııa) WTA 500 týrnıriniń shırek fınalyna shyqty, dep habarlaıdy QazAqparat tilshisi.
Jarystyń ekinshi raketkasy bolyp tirkelgen A.Danılına brazılııalyq Beatrıs Haddad Maııamen birge bastapqy kezdesýin chehııalyq Renata Vorachova – qytaılyq Sıý Vanmen ótkizdi.
Qazaqstandyq-brazılııalyq jup 6:2, 6:4 esebimen jeńiske jetti.
Bir saǵattan sál astam ýaqytqa sozylǵan matchta Anna men Beatrıs 3 eıs jasap, 12 breık-poınttyń beseýin óz esepterine jazdy. Qarsylas jup 2 breıkpen ǵana kózge tústi.
Qazaqstandyq-brazılııalyq dýet jartylaı fınalǵa shyǵý úshin chehııalyqtar Nıkola Bartýnkova – Barbora Palıtsovamen talasady.
Eske sala keteıik, budan buryn Elena Rybakınanyń Chehııada álemniń 17-raketkasyn jeńgenin jazǵan bolatynbyz.
Sondaı-aq Astana Open ATP 500 týrnırinde álemniń birinshi raketkasy jeńilip qaldy.
Karen Hachanov Astanaǵa tennıs juldyzdary jınalǵanyn aıtty.
Tennısshi Tımofeı Skatov Italııadaǵy týrnırdi jeńispen bastady.
Astana Open ATP 500 týrnırinde Aleksandr Býblık 15 eıs jasap, ekinshi aınalymǵa shyqty.
Foto: sports.kz
