Anna Danılına Chehııadaǵy týrnırdiń jartylaı fınalyna shyqty
ASTANA. QazAqparat – Qazaqstannyń juptyq syndaǵy birinshi, álemniń 21-raketkasy Anna Danılına Ostrava (Chehııa) WTA 500 týrnıriniń jartylaı fınalyna shyqty, dep habarlaıdy QazAqparat tilshisi.
Jarystyń ekinshi raketkasy bolyp tirkelgen A.Danılına brazılııalyq Beatrıs Haddad Maııamen birge shırek fınalda chehııalyqtar Nıkola Bartýnkova – Barbora Palıtsovamen sheberlik baıqasty.
Bir saǵat 28 mınýtqa sozylǵan matchta qazaqstandyq-brazılııalyq jup 7:6 (7:4), 6:3 esebimen jeńiske jetti.
Danılına men Haddad Maııa 1 eıs jasap, 8 breık-poınttyń ekeýin múlt jibergen joq.
Olardyń jartylaı fınaldaǵy qarsylastary keıin anyqtalady.
Eske sala keteıik, budan buryn Astana Open ATP 500 týrnırinde Aleksandr Býblıktiń 15 eıs jasap, ekinshi aınalymǵa shyqqanyn jazǵan bolatynbyz.
Astana týrnırinde qazaqstandyq jup shırek fınalǵa shyǵa almady.
