Anna Danılına Býdapesht dodasynyń jartylaı fınalyna ótti

ASTANA. KAZINFORM — Qazaqstannyń juptyq syndaǵy birinshi, álemniń 50-raketkasy Anna Danılına Býdapesht (Majarstan) WTA 250 týrnıriniń jartylaı fınalyna ótti.

Jarystyń 2-raketkalary bolyp tirkelgen A.Danılına men reseılik Irına Hromacheva shırek fınalda germanııalyq Lena Papadakıs – amerıkalyq Djessı Eneımen sheberlik baıqasty.

Birinshi partııada qazaqstandyq-reseılik jup 6:2 esebimen basymdylyq tanytty. Olar ekinshi sette de sol qarqynynan tanǵan joq – 6:4. Bir saǵat 15 mınýtqa sozylǵan báseke barysynda ekeýi eıs jasamaǵanymen, 10 breık-poınttyń tórteýin paıdalandy. Germanııalyq-amerıkalyq dýet 2 eıs, 1 breıkpen (3 breık-poınt) shekteldi.

A.Danılına – I.Hromachevanyń jartylaı fınaldaǵy qarsylastary keıin belgili bolady.

Eske sala keteıik, budan buryn qazaqstandyq tennısshilerdiń ATP 250 týrnıriniń ekinshi aınalymyna shyqqanyn jazǵan bolatynbyz.

Sondaı-aq Ámir Omarhanov jasóspirimder arasynda álemde 15-orynǵa kóterildi.