Anna Danılına Beıjiń týrnıriniń kelesi aınalymyna ótti
ASTANA. KAZINFORM – Qazaqstannyń juptyq syndaǵy birinshi, álemniń 6-raketkasy Anna Danılına Beıjiń (Qytaı) WTA 1000 týrnıriniń ekinshi aınalymyna joldama aldy.
Jarystyń 5-raketkasy bolyp tirkelgen qazaqstandyq tennısshi amerıkalyq Dezıre Kravchıkpen birge alǵashqy aınalymda japonııalyq Sýko Aoıama – Qytaılyq Taıbeı ókili En Sho Lıanmen oınady.
Birinshi partııada qazaqstandyq-amerıkalyq jup 6:3 esebimen basymdylyq tanytty.
Ekinshi set te dál osyndaı eseppen aıaqtaldy.
Anna Danılına – Dezıre Kravchık shırek fınalǵa shyǵý úshin jańazelandııalyq Erın Rýtlıff – ındonezııalyq Aldıla Sýtdjıadımen talasady.
Eske sala keteıik, budan buryn Rybakınanyń jaraqatyna baılanysty Qytaıdaǵy týrnırge qatysýdan bas tartqanyn jazǵan edik.
Sondaı-aq Tımofeı Skatov Shanhaı masters týrnırin sátti bastady.
