Anna Danılına Aýstrııadaǵy jarystyń shırek fınalyna shyqty

ASTANA. KAZINFORM – Qazaqstannyń juptyq syndaǵy birinshi, álemniń 20-raketkasy Anna Danılına Lınts (Aýstrııa) WTA 500 týrnıriniń shırek fınalyna ótti.

Jarystyń 2-raketkasy bolyp tirkelgen qazaqstandyq tennısshi reseılik Irına Hromachevamen birge bastapqy aınalymda chehııalyqtar Anastasııa Detıýk – Mırıam Shkohpen sheberlik baıqasty.

Qazaqstandyq-reseılik jup 6:4, 6:4 esebimen jeńiske jetti. 

Bir saǵat 20 mınýtqa sozylǵan báseke barysynda Danılına – Hromacheva 1 eıspen birge 13 breık-poınttyń beseýin qur jibermedi. Chehııalyq dýet 1 eıs, 3 breıkten asa almady.

Anna Danılına – Irına Hromacheva jartylaı fınalǵa shyǵý úshin reseılikter Anastasııa Potapova – ıAna Sızıkovamen talasady. 

Taǵy bir qazaqstandyq, álemniń 361-raketkasy Zarına Dııas Pýna (Úndistan) ITF W75 dodasynyń alǵashqy aınalymynda reıtıngide 227-oryndaǵy belorýssııalyq Irına Shımanovıchke jol berdi – 6:3, 2:6, 2:6.

Eske sala keteıik, budan buryn jas tennısshi Ahmadı Maqanov týraly ne biletinimizdi jazǵan bolatynbyz.