Anna Danılına Aýstralııadaǵy jarystan shyǵyp qaldy
ORAL. QazAqparat – Qazaqstannyń juptyq syndaǵy birinshi, álemniń 11-raketkasy Anna Danılına Adelaıda WTA 500 týrnıriniń shırek fınalyna shyǵa almady, dep habarlaıdy QazAqparat tilshisi.
Ýkraınalyq Anna Kalınskaıamen birge jarystyń 8-raketkasy bolyp tirkelgen A.Danılına dodany ekinshi aınalymnan bastady.
Qazaqstandyq-ýkraınalyq jup chehııalyqtar Mırıam Kolodzejova – Marketa Vondroýshovaǵa 6:3, 5:7, 2:10 esebimen jol berdi. Saǵat jarymdaı ýaqytqa sozylǵan match barysynda A.Danılına men A.Kalınskaıa 1 eıs jasap, 9 breık-poınttyń tórteýin paıdalandy. Qarsylastary da 1 eıs, 4 breıkpen (7 breık-poınt) kózge tústi.
Sóıtip A.Danılına úshin jańa jyl sátsiz bastaldy.
Osy Adelaıdadaǵy ATR 250 jarysynda Andreı Golýbev pen Aleksandr Nedovesov alǵashqy aınalymda amerıkalyq Maks Kressı – frantsııalyq Albano Olıvettıden utylyp qaldy – 6:7 (8:10), 6:7 (4:7).
Taǵy bir qazaqstandyq Beıbit Jýkaev (308 ATR) Taılandta ótip jatqan chellendjer týrnıriniń ekinshi aınalymyna shyǵa almady. Ol japonııalyq Sho Shımabýkýroǵa (264 ATR) ese jiberdi – 4:6, 6:3, 4:6.
Eske sala keteıik, budan buryn Elena Rybakınanyń jańa jyldaǵy alǵashqy jeńisine qol jetkizgenin jazǵan bolatynbyz.
Foto: Qazaqstan tennıs federatsııasy
