Anna Danılına Astanadaǵy týrnırdiń fınalyna shyqty

ASTANA. QazAqparat - Qazaqstandyq Anna Danılına juptyq synda Astanada ótip jatqan ITF World Tennis Tour «BeeTV 40 Women's» týrnıriniń fınalyna shyqty, dep habarlaıdy QazAqparat tilshisi.

Jarystyń birinshi raketkalary bolyp tirkelgen Anna Danılına belorýssııalyq Irına Shımanovıchpen birge jartylaı fınalda nıderlandylyqtar ıAsmın Gımbrere - Bıbıana Shoofspen sheberlik baıqasty.

Qazaqstandyq-belorýssııalyq jup úsh setke sozylǵan tartysty matchta 4:6, 6:1, 10:5 esebimen jeńiske jetti.

Anna men Irına fınalda dodanyń ekinshi raketkalary, ońtústikkoreıalyqtar Han Le Han - Sý Djon Chanmen bas júldeni sarapqa salady.

Anna Danılına oıynnan keıingi suhbatynda erteńgi kezdesýde bıylǵy jyldaǵy alǵashqy tıtýlǵa qol jetkizý úshin bar sheberlikterin salatynyn jetkizdi.

Eske sala keteıik, budan buryn Anna Danılınanyń Astanadaǵy jarystyń jartylaı fınalyna shyqqanyn jazǵan bolatynbyz.