Anna Danılına álemdik reıtıngide jeke rekordyna qol jetkizdi

ASTANA. KAZINFORM – Qazaqstandyq tennısshilerdiń WTA reıtıngisindegi orny belgili boldy.

Ótken aptada serbııalyq Aleksandra Krýnıchpen birge Doha (Qatar) WTA 1000 týrnıriniń chempıony atanǵan Anna Danılına álemdik reıtıngide 10-nan 7-orynǵa kóterildi. Osylaısha, Danılına rekordtyq nátıjege qol jetkizdi. Buǵan deıin onyń úzdik kórsetkishi 8-saty edi. A.Krýnıch 14-ten 12-ge shyqty.

Osy aptada qazaqstandyq-serbııalyq jup Dýbaı WTA 1000 jarysynda baq synaıdy.
Belgııalyq Elıze Mertens burynǵysha kósh bastasa, chehııalyq Katerjına Sınıakova ony ókshelep keledi. Amerıkalyq Teılor Taýnsend úzdik úshtikti túıindedi.

Taǵy bir qazaqstandyq ıÝlııa Pýtıntseva juptyq synda 106-dan 110-ǵa syrǵysa, Jibek Qulambaeva 137-den 136-ǵa aýysty. 

Jekeleı synda belorýssııalyq Arına Sobolenko, Polsha ókili Iga Shventekten keıin qazaqstandyq Elena Rybakına úshinshi satyda tur.

ıÝ.Pýtıntseva 70-ten 78-ge, Zarına Dııas 290-nan 293-ke, J.Qulambaeva 388-den 390-ǵa tómendedi. 

Eske sala keteıik, budan buryn Anna Danılınanyń Doha týrnıriniń chempıony atanǵanyn jazǵan edik.

Sondaı-aq Elena Rybakınanyń Dýbaı qalasyndaǵy WTA 1 000 týrnırinde baq synaıtynyn habarlaǵanbyz.