Anna Danılına álemdik reıtıngide TOP-10-ǵa qaıta kirdi
ASTANA. KAZINFORM — Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngi derekterin jarııalady.
Jekeleı synda belarýstik Arına Sobolenko burynǵysha kósh bastasa, Polsha ókili Iga Shventek ekinshi, qazaqstandyq Elena Rybakına úshinshi orynda qaldy.
Qazaqstannyń ekinshi raketkasy ıÝlııa Pýtıntseva 70-ornyn saqtady.
Zarına Dııas 282-den 290-ǵa, Jibek Qulambaeva 387-den 388-ge syrǵydy.
Juptyq synda belgııalyq Elıze Mertens birinshi, chehııalyq Katerjına Sınıakova ekinshi satyda tursa, ıtalııalyqtar Jasmın Paolını men Sara Erranı úshinshi oryndy bólisip tur.
Qazaqstannyń juptyq syndaǵy birinshi raketkasy Anna Danılına 11-den 10-ǵa shyqty. Sóıtip ol TOP-qa qaıta kirdi. Annanyń úzdik kórsetkishi (8) 2025 jyly maýsym aıynda tirkelgen edi.
ıÝlııa Pýtıntseva 102-den 106-ǵa, Jibek Qulambaeva 133-ten 137-ge tómendedi.
E.Rybakına men A.Danılına osy aptada Doha (Qatar) WTA 1000 týrnırinde óner kórsetedi.
E.Rybakınanyń ekinshi aınalymdaǵy qarsylasy búgin anyqtalady. Juptyq synda jarystyń 4-raketkasy bolyp tirkelgen A.Danılına men serbııalyq Aleksandra Krýnıch te dodany ekinshi aınalymnan bastaıdy.
Eske sala keteıik, budan buryn Elena Rybakınanyń jeńisti jolyn Dohada jalǵastyra ala ma, sony jazǵan edik.
