Anna Danılına álemdik reıtıngide óziniń rekordyn qaıta jańartty

ASTANA. KAZINFORM – Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııalady.

Qazaqstannyń juptyq syndaǵy birinshi raketkasy Anna Danılına álemdik reıtıngide 7-den 6-orynǵa kóterildi. Sóıtip A.Danılına óziniń jeke rekordyn qaıta jańartty.

Qazaqstandyq tennısshi serbııalyq Aleksandra Krýnıchpen birge ótken aptada Dýbaı WTA 1000 týrnıriniń jartylaı fınalyna deıin jetti. 

Taǵy bir qazaqstandyq Jibek Qulambaeva 136-dan 140-qa, ıÝlııa Pýtıntseva 110-nan 156-ǵa tómendedi. 

Jekeleı synda Qazaqstannyń kóshbasshy tennısshisi Elena Rybakına burynǵysha úzdik úshtikti túıindep tur. 

ıÝ.Pýtıntseva 78-dan 77-ge joǵarylady. Zarına Dııas 293-satyda qalsa, J.Qulambaeva 390-nan 393-ke syrǵydy. 

Osy aptada ıÝ.Pýtıntseva Merıda (Meksıka) WTA 500 jarysynda baq synaıdy. Onyń alǵashqy qarsylasy – irikteý saıysy jeńimpazdarynyń biri, reıtıngide 122-satydaǵy andorralyq Vıktorııa Hımenes Kasıntseva.

Eske sala keteıik, budan buryn Aleksandr Shevchenkonyń Dýbaı týrnıriniń irikteý saıysyn sátti bastaǵanyn jazǵan edik.

Sondaı-aq Ámir Omarhanov Týnıstegi týrnırde top jardy.

Qazaqstandyq tennısshilerdiń Dýbaı ATP 500 týrnırindegi qarsylastary anyqtaldy.