Anna Danılına álemdik reıtıngide 8-orynǵa kóterildi

ASTANA. KAZINFORM – Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti.

Jekeleı synda Qazaqstannyń birinshi raketkasy Elena Rybakına 11-ornyn saqtap qalsa, ıÝlııa Pýtıntseva 34-ten 33-ke kóterildi.

Zarına Dııas 274-ten birden 246-ǵa joǵarylasa, Jibek Qulambaeva 306-da qaldy.

Álemdik reıtıngide belarýstyq Arına Sobolenko burynǵysha kósh bastasa, amerıkalyqtar Korı Gaýff pen Djessıka Pegýla ekinshi, úshinshi satyda tur.

Ótken aptada Istbýrn WTA 250 týrnırinde úzdik shyqqan Qazaqstannyń juptyq syndaǵy birinshi raketkasy Anna Danılına 9-dan 8-ge shyqty. Bul onyń sporttyq jolyndaǵy eń úzdik kórsetkishi bolyp esepteledi.

Eske sala keteıik, budan buryn Anna Danılınanyń Ulybrıtanııadaǵy týrnırde top jarǵanyn jazǵan edik.

Sondaı-aq Jibek Qulambaeva Serbııadaǵy tennıs týrnırinde úzdik shyqty.