Anna Danılına álemdik reıtıngide 19-orynǵa kóterildi
NUR-SULTAN. QazAqparat – Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngti jarııa etti, dep habarlaıdy QazAqparat tilshisi.
Juptyq synda Varshava týrnıriniń jeńimpazy atanǵan Anna Danılına 23-ten 19-orynǵa kóterildi.
Osylaısha, A.Danılına juptyq syndaǵy óziniń úzdik kórsetkishin qaıtalady. Ol 19-satyǵa bıylǵy 11 shildede alǵash shyqqan edi.
Jekeleı synda Qazaqstannyń birinshi raketkasy, Ýımbldon chempıony Elena Rybakına 23-ornynda qalsa, ıÝlııa Pýtıntseva 41-den 42-ge syrǵydy. Zarına Dııas 245-ten 244-ke shyqty.
Reıtıngte Polsha ókili Iga Sventek burynǵysha kósh bastasa, estonııalyq Anett Kontaveıt ekinshi, grekııalyq Marııa Sakkarı úshinshi satyda tur.
Juptyq synda belgııalyq Elıze Mertens, qytaılyq Chjan Shýaı jáne chehııalyq Katerına Sınıakova úzdik úshtikke ilikti. Elena Rybakına 65-ten 66-ǵa syrǵydy.
Eske sala keteıik, budan buryn tennısshi Anna Danılınanyń Varshava týrnıriniń jeńimpazy atanǵanyn jazǵan bolatynbyz.
Sondaı-aq tennısten álem chempıonatynda jasóspirimder quramasynyń qarsylastary anyqtaldy.
Foto: ktf.kz
