Anna Danılına AQSh-taǵy jarystyń fınalynda utylyp qaldy
NUR-SULTAN. QazAqparat - Qazaqstannyń juptyq syndaǵy birinshi, álemniń 20-raketkasy Anna Danılına Klıvlend (AQSh) WTA 250 týrnıriniń fınalyna deıin jetti, dep habarlaıdy QazAqparat tilshisi.
A.Danılına men serbııalyq Aleksandra Krýnıch atalmysh jarystyń 4-raketkalary bolyp tirkelgen edi.
Qazaqstandyq-serbııalyq jup sońǵy básekede dodanyń ekinshi raketkalary, amerıkalyq Nıkol Melıchar-Martınes - aýstralııalyq Ellen Perespen sheberlik baıqasty.
Amerıkalyq-aýstralııalyq dýet 7:5, 6:3 esebimen jeńiske jetip, chempıondyq ataqqa ıe boldy.
Bir saǵat 15 mınýtqa sozylǵan kezdesýde A.Danılına men A.Krýnıch 2 eıspen birge 7 breık-poınttyń úsheýin paıdalana bildi. Qarsylastary 4 eıs, 5 breıkpen kózge tústi.
Eske sala keteıik, budan buryn Anna Danılınanyń AQSh-taǵy týrnırdiń fınalyna ótkenin jazǵan bolatynbyz.
