Anna Danılına AQSh-taǵy týrnırdiń fınalyna ótti
NUR-SULTAN. QazAqparat – Qazaqstannyń juptyq syndaǵy birinshi, álemniń 20-raketkasy Anna Danılına Klıvlend (AQSh) WTA 250 týrnıriniń fınalyna shyqty, dep habarlaıdy QazAqparat tilshisi.
A.Danılına serbııalyq Aleksandra Krýnıchpen birge jartylaı fınalda jarystyń 1-raketkalary, chehııalyqtar Barbora Kreıchıkova – Katerına Sınıakovamen kezdesýi kerek bolatyn.
Alaıda «Úlken dýlyǵa» týrnıriniń úsh dúrkin chempıondary B.Kreıchıkova men K.Sınıakova dodany jalǵastyrýdan bas tartty.
Osylaısha, Klıvlendte 4-raketka bolyp tirkelgen A.Danılına men A.Krýnıch oınamastan fınalǵa joldama aldy.
Qazaqstandyq-serbııalyq jup sońǵy básekede japonııalyq Sıýko Aoıama – taıbeılik Hao Chın Chan nemese amerıkalyq Nıkol Martınes – aýstralııalyq Ellen Peres juptarynyń qaı jeńgenimen bas júldeni sarapqa salady.
Eske sala keteıik, budan buryn qazaqstandyq tennısshiniń AQSh-taǵy týrnırdiń jartylaı fınalyna shyqqanyn jazǵan bolatynbyz.
Sondaı-aq qazaqstandyq tennısshilerdiń AQSh ashyq chempıonatyndaǵy qarsylastary anyqtaldy.
ıÝrıı Polskıı Novak Djokovıch Astana Open týrnırine kelse, qýanatynyn aıtty.
