Anna Danılına AQSh-taǵy jarystyń jartylaı fınalyna ótti

ASTANA. KAZINFORM — Qazaqstannyń juptyq syndaǵy birinshi, álemniń 10-raketkasy Anna Danılına Klıvlend (AQSh) WTA 250 týrnıriniń jartylaı fınalyna shyqty.

Jarystyń 1-raketkalary bolyp tirkelgen Anna Danılına – serbııalyq Aleksandra Krýnıch shırek fınalda amerıkalyqtar Karmen Korlı – Ivana Korlımen kezdesti.

Qazaqstandyq-serbııalyq jup matchty jaqsy bastady – 6:4.

Ekinshi sette taı-breıkte amerıkalyqtar ese qaıyrdy – 7:6 (7:2). Degenmen sýper taı-breıkte

Anna men Aleksandra sheberlikteriniń basym ekendigin tanytty – 10:8.

Bir saǵat 50 mınýtqa sozylǵan tartysty básekede qazaqstandyq-serbııalyq dýet 2 eıspen birge 6 breık-poınttyń beseýin paıdalandy. Amerıkalyqtar 2 eıs, 4 breıkpen (13 breık-poınt) erekshelendi.

Anna Danılına – Aleksandra Krýnıch fınalǵa shyǵý úshin chehııalyqtar Anastasııa Detıýk – Mırıam Skochpen talasady.

Erler arasynda AQSh ashyq chempıonatynyń irikteý týrnırinde barlyq úsh qazaqstandyq tennısshi jeńilis tapty. 

ATP reıtıngisinde 192-oryndaǵy Beıbit Juqaev álemniń 143-raketkasy, amerıkalyq Zaharı Svaıdaǵa jol berdi – 3:6, 5:7.

Reıtıngide 236-satydaǵy, 37 jastaǵy Mıhaıl Kýkýshkın 2 saǵat 38 mınýtqa sozylǵan oıynda álemniń 151-raketkasy, taǵy bir amerıkalyq Bıllı Harrıske ese jiberdi – 7:6 (7:5), 3:6, 2:6.
Álemniń 239-raketkasy Dmıtrıı Popko reıtıngide 184-oryndaǵy frantsııalyq ıÝgo Blansheden utyldy – 3:6, 4:6.

Sóıtip olar irikteý saıysynyń fınalyna shyǵa almady. 

Eske sala keteıik, budan buryn AQSh ashyq chempıonatynda qazaqstandyq tennısshilerdiń kimdermen oınaıtynyn jazǵan edik.