Anna Danılına AQSh-taǵy jarystyń shırek fınalyna shyqty

ASTANA. KAZINFORM — Qazaqstannyń juptyq syndaǵy birinshi, álemniń 10-raketkasy Anna Danılına Klıvlend (AQSh) WTA 250 týrnıriniń shırek fınalyna joldama aldy.

Jarystyń 1-raketkalary bolyp tirkelgen A.Danılına – serbııalyq Aleksandra Krýnıch alǵashqy aınalymda qytaılyqtar Chjen Saısaı – Chjý Lındi tas-talqan etip jeńdi.

Birinshi partııada 6:2 esebi tirkeldi.

Ekinshi set 6:1 esebimen aıaqtaldy.

Bir saǵat 5 mınýtqa sozylǵan báseke barysynda Danılına – Krýnıch 7 breık-poınttyń beseýin qur jibermedi. Qytaılyq dýet 1 breıkpen (7 breık-poınt) shekteldi.

Anna Danılına – Aleksandra Krýnıch jartylaı fınalǵa shyǵý úshin amerıkalyqtar Karmen Korlı – Ivana Korlımen talasady.

Klıvlend dodasy 23 tamyzda máresine jetedi.

Eske sala keteıik, budan buryn dopıng qoldanǵan qazaqstandyq tennısshiniń 4 jylǵa jarystan shettetilgenin jazǵan edik.