Anna Danılına AQSh-taǵy týrnırdiń fınalynan tys qaldy

ASTANA. KAZINFORM - Qazaqstannyń juptyq syndaǵy birinshi, álemniń 44-raketkasy Anna Danılına Charlston (AQSh) chellendjer týrnıriniń fınalyna shyǵa almady.

Dodanyń 3-raketkalary A.Danılına men qytaılyq Chjan Shýaı jartylaı fınalda aýstralııalyq Olıvııa Gadekı – ulybrıtanııalyq Olıvııa Nıkollske qarsy keldi.

Tartysty órbigen birinshi partııada taı-breıkte aýstralııalyq-ulybrıtanııalyq jupqa sáttilik joldas boldy – 7:6 (8:6). Olar ekinshi sette de oıyn tizginin ýysynan shyǵara qoıǵan joq – 6:4.

Bir saǵat 42 mınýtqa sozylǵan báseke barysynda qazaqstandyq-qytaılyq dýet 13 breık-poınttyń bireýin ǵana paıdalandy. Al Gadekı – Nıkolls 7 eıs jasap, 10 breık-poınttyń ekeýin óz esepterine jazdy.

Eske sala keteıik, budan buryn Anna Danılınanyń AQSh-taǵy jarystyń jartylaı fınalyna ótkenin jazǵan bolatynbyz.

Sondaı-aq Zarına Dıas Japonııamen ótetin matchqa qatysady.