Anna Danılına AQSh ashyq chempıonatynyń shırek fınalyna shyǵa almady
NUR-SULTAN. QazAqparat – Qazaqstannyń juptyq syndaǵy birinshi, álemniń 19-raketkasy Anna Danılına AQSh ashyq chempıonatynyń shırek fınalyna shyǵa almady, dep habarlaıdy QazAqparat tilshisi.
A.Danılına brazılııalyq Beatrıs Haddad Maııamen birge jarystyń 8-raketkalary bolyp tirkelgen edi.
Qazaqstandyq-brazılııalyq jup úshinshi aınalymda dodanyń 10-raketkalary, amerıkalyq Nıkol Melıchar-Martınes – aýstralııalyq Ellen Perespen sheberlik baıqasty.
Bir saǵattan astam ýaqytqa sozylǵan básekede amerıkalyq-aýstralııalyq dýet 6:3, 6:3 esebimen jeńiske jetti. Olar1 eıspen birge 9 breık-poınttyń úsheýin paıdalandy. Qazaqstandyq-brazılııalyq jup 2 eıs jasaǵanymen, 5 breık-poınttan eshteńe shyǵara almady.
Osylaısha, eresekter arasynda AQSh ashyq chempıonatynda Qazaqstannan eshkim qalmady.
Jasóspirimderden Arýjan Saǵyndyqova jarys jolyn jalǵastyrýda. Іrikteý saıystarynan ótken ol chempıonattyń alǵashqy aınalymynda búgin amerıkalyq Lıv Hovdemen kortqa shyǵady.
Eske sala keteıik, budan buryn tennısshi Arýjan Saǵyndyqovanyń alǵash ret US Open týrnırine ótkenin , Jibek Qulambaevanyń Almaty týrnıriniń fınalynda utylyp qalǵanyn jazǵan bolatynbyz.
Foto: ktf.kz
