Anna Balarshına sporttyq quzǵa órmeleýden Azııa kýbogynda úzdik ondyqqa kirdi
ASTANA. KAZINFORM — Ońtústik Koreıanyń Kýnsan qalasynda sporttyq quzǵa órmeleýden Azııa kýbogynyń kezeńi aıaqtaldy.
Atalǵan jarysta Qazaqstan quramasynyń sportshylary «jyldamdyq» jáne «boýlderıng» saıysynda baq synady.
Áıelder arasyndaǵy «jyldamdyq» saıysynda Anna Balarshına jetinshi orynǵa ıe boldy. Al Arına Novıtskaıa 17-orynǵa turaqtady. Erler arasynda Jandos Qalybaı 17-orynǵa taban tiredi.
«Boýlderıng» saıysynda Azat Maıkotov 29-oryn, Vadım Ishmýhametov 36-oryn, Matveı Esıpov 37-oryn, Gleb Semeshkın 39-orynǵa turaqtady. Áıelder arasynda Aıhanym Aıdarhanqyzy 19-oryn, Polına Andreeva 30-oryn, Vıktorııa Adamenko 35-orynǵa jaıǵasty.
Aıta ketelik búgin bokstan Qazaqstan birinshiliginde fınalǵa joldamalar sarapqa salynady.
