Ankaranyń meri Melıh Gokchek Azıada alaýymen Astana kóshelerimen júgirip ótti

Ankaranyń basshysy M.Gokchek myrza Azıada alaýyn ustap Astananyń sımvolyna aınalǵan Báıterek monýmentiniń aldymen júgirip ótti. Osydan keıin jýrnalısterge bergen suhbatynda ol osynaý aýqymdy sporttyq is-shara mańyzdylyǵyn erekshe atap ótip, óziniń quttyqtaýyn jetkizdi.

«Maǵan Qazaqstanda ótetin 7-Qysqy Azııa oıyndarynyń estafetasyna qatysyp, Azıada alaýymen Astananyń kóshelerimen júgirý týraly usynys túsken kezde, men birden kelistim. Qazaqstandy osy úlken jetistikpen quttyqtaı otyryp, onyń aldaǵy Azıada oıyndary kezinde tek birinshi orynnan ǵana kórinýine tilektespin», - dedi óz sózinde M.Gokchek.

«Bárimiz jaqsy bilemiz, elimiz egemendigin alǵan kezde, Túrkııa bizdiń Táýelsizdigimizdi birinshi bolyp moıyndaǵan edi. Sondyqtan da búgingi bizdiń mereıtoıymyzda Túrkııanyń Ankara qalasynyń basshysy Melıh Gokchek qatysyp, Azıada alaýymen Astana kóshelerimen júgirip ótýge nıet bildirip otyr. Gokchek myrzanyń osy nıeti úshin biz óte qýanyshtymyz», - dep atap kórsetti Astana qalasynyń ákimi I.Tasmaǵambetov.