Ankaradaǵy jarylystan zardap shekkender arasynda qazaqstandyqtar joq - QR SІM
ASTANA. QazAqparat - Ankarada lańkestik qurbandary men odan zardap shekkender arasynda qazaqstandyqtar bar degen aqparat túsken joq, dep habarlady QR SІM baspasóz qyzmetiniń basshysy Ánýar Jaınaqov.
Eske salsaq, 17 aqpanda saǵat 18.31-de túrik astanasy ortalyǵynda, parlament pen bas shtab ǵımaratyna jaqyn jerdegi qıylysta mına qoıylǵan kólik jaryldy. Bul Túrkııa bas shtabynyń áskerılerin ákele jatqan kólik baǵdarshamnyń qyzyl belgisine toqtaǵan kezde oryn aldy. Jarylys orny órtke orandy. Qala tóbesinde tikushaqtar sharlap júr. Lańkestik orny qorshaýǵa alyndy.
«Jıyrma segiz adam qaza taýyp, 61 adam jaraqat aldy. Zardap shekkender Ankara aýrýhanalaryna jetkizildi. Bul bizdiń áskerılerge ǵana emes, barsha halyqqa jasalǵan shabýyl. Bul lańkestikti jasaǵandardy tabý úshin qoldan kelgenniń barlyǵyn jasaımyz», - dedi Túrkııa vıtse-premeri Nýman Kýrtýlmash baspasóz konferentsııasynda.
Kýrtýlmash ázirge lańkestikti kim uıymdastyrǵany belgisiz ekenin málimdedi. Tergeýdi jeti prokýror júzege asyrýda.
Túrkııa Prezıdenti Rejep Taıyp Erdoǵan beısenbige belgilengen Ázerbaıjanǵa saparyn, premer Ahmet Davýtoglý - Brıýsselge saparyn keıinge qaldyrdy.
