Ankaradaǵy jarylys qurbandarynyń sany 30-ǵa jetti
ASTANA. QazAqparat - Ankaradaǵy jarylys qurbandarynyń sany 30-ǵa jetti, dep habarlaıdy Lenta.ru.
Túrkııa ІІM derekterine súıengen Reuters jaralanǵandardyń sany 126 adam ekendigin jazyp otyr.
Eske sala ketsek, Ankaradaǵy jarylystar senbide, 10 qazanda temirjol vokzaly aldynda «Eńbek. Beıbitshilik. Demokratııa» beıbit narazylyq sherýi kezinde boldy. Onda sherýge qatysýshylar túrik bıligi men kúrdtar arasyndaǵy áskerı qaqtyǵystardy toqtatýdy suraǵan. Túrik bıligi Ankaradaǵy jarylystar serııasyn terakt dep esepteıdi.
Oqıǵa ornynda quqyq qorǵaý organdary men saperler jumys isteýde. Dárigerler jaralanǵandardy emdeý mekemelerine áketip jatyr. Áýede tikushaq aınala ushyp júr, dep habarlaıdy Anadolu.
Jelide jarylys bolǵan sát kórsetilgen vıdeo paıda boldy.
