Ankaradaǵy terakti saldarynan qurban bolǵandar arasynda qazaqstandyqtar joq

Bul týraly Tvıtter jelisinde QR SІM resmı ókili Altaı Abıbýllaev habarlady.

«Túrkııanyń syrtqy ister mınıstrliginiń eń sońǵy málimetterine sáıkes Ankaradaǵy qaıǵyly oqıǵa saldarynan zardap shekkender men ajal qushqandar arasynda bizdiń memleketimizdiń azamattary joq», - dep habarlady A.Abıbýllaev.

Eske salaıyq, Qazaqstan Prezıdenti Nursultan Nazarbaev Túrkııa Respýblıkasynyń Prezıdenti Rejep Taıyp Erdoǵanǵa Ankara qalasynda bolǵan terrorlyq aktige baılanysty kóńil aıtý jedelhatyn joldady. Búgin Ankarada «Eńbek. Beıbitshilik. Demokratııa» beıbit narazylyq sherýi kezinde 2 jarylys oryn a lǵan bolatyn. Sherýge qatysýshylar túrik bıligi men kúrdter arasyndaǵy áskerı qaqtyǵystardy toqtatýdy suraǵan edi. Eldiń densaýlyq saqtaý mınıstrliginiń sońǵy málimetteri boıynsha lańkestikten 86 adam qaza tapqan, 200-den astam adam jaralanǵan. Qaıǵyly oqıǵaǵa baılanysty elde úsh kúndik qaraly kún jarııalandy. Ǵalamtorda jarylystyń oryn alýyna qatysty beıne jáne fotomaterıaldar tarady.