Ankaradaǵy polıtsııa ǵımaratyn belisiz bireýler zymyranmen atyp ketti
ASTANA. 21 qyrkúıek. QazAqparat - Túrkııanyń astanasy Ankarada belgisiz bireýler polıtseılerdiń shtab-páterin zymsyranmen atyp ketti, dep habarlady Al Arabiya. Atys 20 qyrkúıek kúni keshke bolǵan, dep habarlady RBK.
Ǵımaratqa qanshalyqty deńgeıde zaqym kelgeni týraly ázirge eshqandaı aqparat joq.
Sondaı-aq, qaza bolǵandar men zardap shekkender jaıly da málimetter taratylmaýda.
Bıylǵy jyly maýsym aıynda elde premer-mınıstr Redjep Taıp Erdogannyń avtorıtarlyq saıasatyna qarsy jappaı narazylyq sharalary ótken bolatyn. Bul tártipsizdikter bılik ókilderiniń Ystambuldaǵy Gezı saıabaǵynyń ornynda saýda ortalyǵyn salý jónindegi sheshimine qarsylyq retinde uıymdastyryldy. Jappaı narazylyq aktsııalaryn basý kezinde bes adam qaza boldy, myńdaǵan adam jaraqattandy.
Qyrkúıek aıynyń basynda Túrkııa azamattary taǵy da kóterilip, kóshelerde bılikke qarsy urandatqandar kóbeıdi. Narazylyq sharalarynyń qaıta jandanýyna Antakedaǵy oppozıtsııalyq sherýge qatysýshy Ahmet Atakannyń ólimi sebep bolǵan. Narazylyqqa shyqqandar onyń ólimine polıtseılerdi kinálap otyr, al tártip saqshylary bolsa, jigit tóbeden ózi qulap ketken deıdi. Jappaı tártipsizdik Ystambul, Ankara, Іzmir, Antake jáne eldiń basqa qalalarynda da oryn aldy.
