Ankaradaǵy lańkestik áreket qurbandarynyń sany 37 adamǵa deıin ósti
ASTANA. QazAqparat - Ankara qalasyndaǵy lańkestik áreket qurbandarynyń sany 37 adamǵa deıin ósken, 70-ten astam adam aýrýhanalarda jatyr. Bul týrady Túrkııanyń Densaýlyq saqtaý mınıstri Mehmet Mýezzınoǵly habarlady, dep jazady TASS.
Eske sala keteıik, jarylys Ankara qalasyndaǵy basty kóshelerdiń qıylysynda jergilikti ýaqytpen saǵat 18.40-ta (Astana ýaqytymen saǵat: 22-40) boldy. Sol jerde kóp adam jınalǵan aıaldama bolǵan.
Jarylysqa qatysty lańkestik uıymdar ázir málimdeme jarııalaǵan joq. Reıter agenttiginiń habarlaýynsha, túrik arnaıy qyzmetiniń ókili bılik buǵan «Kúrdistan jumys partııasy» nemese osy uıymǵa qatysty adamdardy kúdikti bolýy múmkin dep sanaıtynyn aıtqan.
