Ankaradaǵy qarsylyq aktsııalar: polıtsııa kóz jasaýratatyn gaz qoldandy
ASTANA. 9 maýsym. QazAqparat - Túrkııa polıtsııasy Ankarada qarsylyq sherýlerin uıymdastyrýshylarǵa qarsy kóz jasaýratatyn gaz ben úlken qysymmen jiberiletin sýdy paıdalandy.
Bul týraly Bı-Bı-Sı jazdy.
8 maýsym kúni Túrkııa astanasyndaǵy Kızılaı alańynda ótken sherýge bir myńǵa jýyq adam qatysty.
Bir apta buryn bastalǵan úkimetke qarsy aktsııalar sondaı-aq, Ystambulda jáne Túrkııanyń ózge qalalarynda ótýde.
Buǵan deıin Túrkııa Úkimetiniń basshysy Redjep Taıyp Erdoǵan elde merziminen buryn saılaý ótpeıtindigin málim etip, sherýlerdi doǵarýǵa úndegen bolatyn.
Túrkııada kópshiliktiń qatysýymen sherýler polıtsııa Ystambulda Gezı saıabaǵyndaǵy qurylysqa qarsylyq bildirýshilerge kúsh kórsetkennen keıin bastaldy.
