Ankaradaǵy qandy terakt: 50 sheteldik tutqyndaldy
ASTANA. QazAqparat - Stambýlda antıterrorlyq reıd barysynda «Islam memleketimen» baılanysy bar degen kúdikpen 50 sheteldik azamat ustaldy. Olardyń Sırııa jáne Irak elderine ótip, «IM-ge» qosylý nıetteri bolǵan, dep habarlaıdy planet-today.ru.
Keń aýqymdy reıdtik shara 10 qazan kúni Ankarada oryn alǵan qandy teraktqa baılanysty uıymdastyrylǵan. Bul Túrkııa tarıhyndaǵy eń iri lańkestik oqıǵalardyń biri boldy, onyń saldarynan 102 adam qaza taýyp, 200-den astamy jaralandy.
Stambýldyń Pendık aýdanynda 17 úıge tekserý júrgizilip, barlyq qolǵa túsken azamattar polıtsııa bólimine ákelindi. Bulardyń naqty qaı elderdiń azamattary ekeni týraly aqparat joq.
