Ankaradaǵy terakt qurbandarynyń sany bes adamǵa jetti
ASTANA. KAZINFORM – Túrkııa Іshki ister mınıstrliginiń basshysy Alı Erlıkaıa TRT Haber telearnasynyń efırinde Ankaradaǵy lańkestik áreketten qaza tapqandar sany bes adamǵa jetkenin, taǵy 22 adam jaraqat alǵanyn málimdedi, dep habarlaıdy TASS aqparat agenttigi.
«Teraktide qaza tapqandar sany 5 adamǵa jetti, zardap shekkenderdiń jalpy sany 22 adam, onyń úsheýi aýrýhanadan shyǵaryldy. Bizdiń baǵalaýymyzsha, shabýyl Kúrdistan jumysshy partııasynyń áreketimen baılanysty bolýy múmkin. Shabýyldaýshylardy anyqtaǵannan keıin biz aqparat jáne basqa da dáleldermen bólisemiz», - dedi mınıstr.
Ol sondaı-aq Túrkııa prezıdenti Rejep Taııp Erdoǵannyń shabýyl týraly aqparat túsken sátten bastap qaýip joıylǵanǵa deıin aqparat alyp otyrǵanyn aıtty.
Aqparatty Kazinform úshin arnaıy TASS seriktes agenttigi usyndy.
Buǵan deıin jazǵanymyzdaı, Túrkııanyń Ankara qalasynda áskerı ushaqtar men ǵarysh tehnıkasyn shyǵaratyn «TUSAŞ» korporatsııasy ǵımaratynyń janynda terakt boldy.
Túrkııa prezıdenti Rejep Taııp Erdoǵan shabýyldyń beıbit turǵyndarǵa baǵyttalǵanyn jáne lańkestik sıpatqa ıe ekenin málimdedi.
Qasym-Jomart Toqaev Túrkııa Prezıdentine kóńil aıtty.