Ankarada joıqyn jarylys bolyp, 27 adam ajal qushty
ASTANA. QazAqparat - Ankarada joıqyn jarylys bolyp, 27 adam ajal qushty, dep habarlaıdy RIA Novostı.
Jarylys 13 naýryz kúni keshke qaraı avtobýs aıaldamasynda bolǵan. Bir avtobýs pen birneshe jeńil kólik tutastaı janyp ketken, sondaı-aq kóptegen adam jaralanǵan.
Aldyn ala boljam boıynsha, mına qoıylǵan kólik jarylǵan. Onyń qasyna avtobýs taıaǵanda jarylǵysh zat iske qosylǵan. Polıtseıler oqıǵa ornyn qorshaýǵa aldy, ol jerde jedel járdem qyzmetkerleri jumys istep jatyr. Ázirshe basqa málimet joq.
Aıta keteıik, áýelgi taratylǵan habarlamada qaza tapqandardyń sany 15 adam ekeni aıtylǵan, keıin 25 adam ajal qushqany anyqtaldy. Sońǵy málimetke sáıkes, olardyń sany 27-ge jetti.
