Ankarada jarylys boldy
Túrkııa astanasyndaǵy Qyzylaı aýdanynda eldiń Іshki ister mınıstrligi basqarmasynyń bas ǵımaraty mańynda jarylys boldy, dep habarlaıdy QazAqparat menshikti tilshisi.
Túrkııa Іshki ister mınıstri Alı Ierlıkaıdyń sózinshe, Ankarada mınıstrlik ǵımaratynyń janynda lańkestik áreket jasaldy. Qylmyskerlerdiń biri ózin jaryp jiberse, ekinshisiniń kózi joıyldy.
«Atys kezinde polıtsııanyń 2 qyzmetkeri ómirge qaýip tóndirmeıtin jaraqat aldy», - dep habarlady mekemeden.
Oqıǵa bolǵan aýdanǵa jaqyn jerde birqatar jolda qozǵalys toqtatyldy. Tótenshe jaǵdaı ornyn prezıdent kúzeti de baqylap tur.
Avtor: Aqjigit Shúkibaev
