Ankarada Túrkııanyń oqý oryndarynda bilim alyp jatqan qazaqstandyq stýdentteriniń sleti uıymdastyryldy
ASTANA. QazAqparat - Ankarada QR elshiligi Túrkııada bilim alyp jatqan qazaqstandyq stýdentteriniń sletin uıymdastyrdy.
Slet aıasynda Qazaqstannyń Túrkııadaǵy Elshisi Janseıit Túımebaevpen kezdesý ótkizilip, sporttyq is-sharalar uıymdastyryldy. Bul týraly Qazaqstannyń Túrkııadaǵy elshiliginen habarlady.
Elshi eki eldiń arasyndaǵy ekijaqty qarym-qatynas jáne ǵalamdyq daǵdarys aıasynda Qazaqstandaǵy áleýmettik-ekonomıkalyq jaǵdaı týraly aıta kele, stýdentterdi Túrkııada alǵan tájirıbe men bilimdi Qazaqstannyń damýy úshin paıdalanýǵa shaqyrdy.
«Túrkııada alǵan bilim men tájirıbeleriń Qazaqstan úshin baılyq bolyp tabylady. Bul elimizde de, álemde de qalyptasqan qazirgideı daǵdarysty jaǵdaıda asa ózekti. Sender elimizdiń bolashaǵysyńdar», - dedi Janseıit Túımebaev.
Júzdesý barysynda syndarly dıalog jasalyp, onyń aıasynda Qazaqstan jastary Túrkııadaǵy oqý kezinde qol jetkize alǵan jetistikterimen jáne kúndelikti problemalarmen bólisý múmkindigine ıe boldy. Mysaly úshin, stýdentter tarapynan túrik kompanııalarynda kásibı taǵylymdamadan ótý máselesi boıynsha járdem kórsetý, budan ári ǵylymı jumystarda mamandyq pen taqyrypty tańdaý jáne basqa da suraqtar boıynsha qyzý pikir almasý boldy.
Elshiliktegi kezdesý barysynda stýdentterge konsýldyq-quqyqtyq kómek te kórsetildi.
Qazirgi tańda Túrkııada qazaqstandyq jastarynyń 1400 ókili bar, al bıylǵy jyly túrik oqý oryndaryna 128 stýdent qabyldandy.
