Ankarada Túrkııa, Iordanııa jáne Sırııa syrtqy ister mınıstrleriniń úshjaqty kezdesýi ótedi
2025 jylǵy 12 mamyrda Ankarada Túrkııa, Iordanııa jáne Sırııanyń syrtqy ister mınıstrleri qatysatyn úshjaqty kezdesý ótedi, dep habarlady Anadoly.
Bul týraly Túrkııa SІM-degi derekkózderge silteme jasap habarlandy.
Kezdesýge Túrkııa syrtqy ister mınıstri Hakan Fıdan, Iordanııa syrtqy ister mınıstri Aıman ál-Safadı jáne Sırııa syrtqy ister mınıstri Assad Hasan Sheıbanı qatysady. Taraptar óńirlik oqıǵalar men qaýipsizdik máselelerin talqylaıdy.
Hakan Fıdan Túrkııanyń Sırııa úkimetiniń eldegi qaýipsizdik pen turaqtylyqty nyǵaıtýǵa baǵyttalǵan kúsh-jigerin qoldaıtynyn naqty bildiredi. Sonymen qatar, Izraıldiń ózge elderge, sonyń ishinde Sırııaǵa qatysty agressıvti áreketterin toqtatý qajettigin atap kórsetip, óńirlik yntymaqtastyq pen jaýapkershilik mańyzdylyǵyn aıtady.
Fıdan óńirde eshqandaı lańkestik uıymǵa oryn joq ekenin, al Túrkııanyń bul baǵyttaǵy kúreske tolyqtaı bel baılaǵanyn atap ótedi. Terrorızm sııaqty ortaq qaýipterge qarsy kúres «óńirlik máselelerge óńirlik sheshim» ustanymy negizinde júrgizilýi tıis ekenin jetkizedi.
Mınıstr Sırııa men kórshi elderdiń terrorızmge qarsy yntymaqtastyǵy óńirlik qana emes, jahandyq qaýipsizdikke de úles qosatynyn aıtady. Kezdesý aıasynda Fıdan ıordandyq jáne sırııalyq áriptesterimen jeke kelissózder de ótkizedi.
Aıta ketelik Erdoǵan Túrkııa Reseı men Ýkraına arasyndaǵy kelissózderdi uıymdastyrýǵa daıyn ekenin aıtqan edi.