Ankarada túrkitildes memleketterdiń quryltaıy ótip jatyr
Atatúrik atyndaǵy mádenıet, til jáne tarıh joǵary qurylym, Túrik tili qurylymy jáne Jańa Túrkııa strategııalyq zertteýler ortalyǵy birlesip uıymdastyrǵan aýqymdy sharaǵa Túrkııanyń Mádenıet jáne týrızm mınıstrligi qoldaý kórsetip otyr.
Quryltaıdyń ashylý saltanatynda Túrkııa premer-mınıstriniń orynbasary Fıkrı Yshyk, Túrkııanyń Mádenıet jáne týrızm vıtse-mınıstri Hýseın ıAıman, Atatúrik atyndaǵy mádenıet, til jáne tarıh joǵary qurylymynyń basshysy Derııa Órs, Túrik tili qurylymynyń basshysy Mustafa Kachalın, sonymen birge Jańa Túrkııa strategııalyq zertteýler ortalyǵynyń basshysy Hasan Djelál Gúzel sóz sóılep, qatysýshylarǵa sáttilik tiledi.
Quryltaı uıymdastyrýshylary men qatysýshylaryna Túrki akademııasy halyqaralyq uıymynyń (TWESCO) basshysy Darhan Qydyráliniń arnaıy quttyqtaýyn uıymnyń ǵylymı qyzmetkeri Aınur Maemerova jetkizdi.
2017 jyldyń Túrkııada túrik tili jyly bop jarııalanýyna oraı uıymdastyrylǵan sharaǵa Ázerbaıjan, Germanııa, Japonııa, Iran, Irak, Mońǵolııa, Qazaqstan, Qyrǵyzstan, Qyrym, Ózbekstan, Túrkııa, Túrikmenstan, Reseı Federatsııasy, Ýkraına jáne basqa memleketterden 300-den astam delegat qatysýda.
Qoǵam qaıratkerleri, ǵalymdar men izdenýshiler quryltaı aıasynda Túrki áleminiń ıntegratsııasy turǵysynan túrik tiliniń álemdik tilder arasyndaǵy ornyn aıqyndaý, túrki tilderiniń álippeleri, sózdik qory, ortaq termınologııasy, ózara aýdarma jasaý sekildi máselelerge baılanysty baıandamalar jasaıdy.
Negizgi ǵylymı bólimnen tys túrli mádenı baǵdarlamalardy qamtıtyn quryltaı jumysy 16-shy qarasha kúni qorytyndylanady.
