Ankarada Transkaspıı halyqaralyq kólik baǵytynyń mańyzy aıtyldy

ANKARA. QazAqparat - Prezıdent Ankarada Túrkııa Qazaqstannyń basty saýda seriktesteriniń biri ekenin aıtty, dep habarlaıdy QazAqparat.

«Túrkııa Qazaqstannyń basty bes saýda seriktesiniń qataryna kiredi. Byltyr eki el arasyndaǵy saýda aınalymy 33 paıyzǵa ósip, 6,3 mıllıard dollarǵa jetti. Bul – júıeli jumystyń nátıjesi. Qazaqstannyń taýarlaryn Túrkııa naryǵyna kóptep shyǵarýǵa múmkindik bar», – dedi Memleket basshysy.

Qasym-Jomart Toqaev túrik ınvestorlarynyń Qazaqstandaǵy jobalaryn qoldaýǵa daıyn ekenin jetkizdi. Sondaı-aq kezdesý barysynda «Orta dáliz» dep atalatyn Transkaspıı halyqaralyq kólik baǵyty asa mańyzdy ról atqaratyny sóz boldy.

Qazaqstan tarapy áleýeti mol osy kólik-logıstıkalyq baǵdardy damytý úshin ortaq ınfraqurylymdyq jobalardy júzege asyrýǵa daıyn ekenin málimdedi.

Eske salsaq, keshe túnde Qasym-Jomart Toqaev TMU-nyń kezekten tys sammıtine qatysý úshin Ankaraǵa jumys saparymen bardy.