Ankarada Toqaevty qarsy alý rásimi ótip, kelissóz bastaldy
ASTANA. KAZINFORM — Túrkııa Respýblıkasyna resmı saparmen barǵan Qasym-Jomart Toqaevty Ankaradaǵy Prezıdent saraıynda saltanatty qarsy alý rásimi ótti. Bul týraly Aqorda málim etti.
Memleket basshysynyń kelýine oraı Qurmet qaraýyly sap túzedi. Saraıǵa kelgen sátte Prezıdent kortejin salt atty gvardııa bastap júrdi.
Qasym-Jomart Toqaevty Rejep Taııp Erdoǵan qarsy aldy. Qazaqstan men Túrkııanyń memlekettik ánurandary oryndalyp, zeńbirekten 21 dúrkin oq atyldy.
Eki eldiń kóshbasshylary Qurmet qaraýyly aldynan júrip ótip, bir-birine resmı delegatsııa múshelerin tanystyrdy.
Sodan keıin memleketter basshylary shaǵyn quramda kelissóz júrgizdi.
