Ankarada polıtsııa operatsııasy kezinde eki lańkes ózin jaryp jiberdi
ASTANA. QazAqparat - Aldyn ala málimetterge qaraǵanda, olar kólikti jarmaq bolǵan. Alaıda polıtsııanyń berilý talabynan keıin ózderin jarǵan.
NTV telearnasynyń aqparatynsha, polıtsııa daıyndalyp jatqan qylmys týraly aqparatty alǵan soń, búgin jergilikti ýaqytpen shamamen saǵat 6:00-de Ankaradan 30 shaqyrym jerdegi Haıman aýdanyndaǵy ańshylar úıin qorshaýǵa alǵan. Polıtseıler ondaǵy sodyrlarǵa berilýdi talap etkende, olar ózderin jaryp jibergen.
Kúsh qurylymdary arasynda japa shekkender týraly aqparat túspedi, degen telearnanyń sózderin keltiredi TASS.
Boljam boıynsha, sodyrlar Túrkııada tyıym salynǵan kúrdistan jumys partııasynyń músheleri bolǵan. Alaıda bul aqparat resmı rastalmady.
Ankara gýbernatory Erdjan Topadja polıtseı sharasy kezinde eki lańkes ózin jarǵanyn rastady.
«Olardyń bireýiniń kim bolǵany anyqtaldy, ekinshisi boljam boıynsha áıel bolǵan. Úshinshi adam boldy degen kúdik bar. Ony izdeý jumystary jalǵasyp jatyr», - dedi gýbernator NTV telearnasynyń efırinde.
