Ankarada lańkestikke qatysy bolýy múmkin 11 kúdikti ustaldy

ASTANA. KAZINFORM – Ankara prokýratýrasynyń Lańkestikpen kúres basqarmasy Túrkııa astanasynda DAISh lańkestik uıymyna (Qazaqstanda tyıym salynǵan) qatysy bolýy múmkin degen kúdikke ilingen 11 adamnyń ustalǵanyn habarlady, dep jazdy AZERTADJ aqparat agenttigi.

Agenttiktiń habarlaýynsha, prokýratýra jalpy 12 adamnyń izdeýde júrgenin habarlady, onyń 11-in jedel ýákilder ustady, bir adamdy izdeý amaldary jalǵasyp otyr.

Osyndaı operatsııalar ótken aptada Túrkııanyń tórt provıntsııasynda júrgizildi. Habarlanǵandaı, 16 adam ustalǵan, onyń 10-y DAISh lańkesterimen baılanysy bar degen aıyppen sot sheshimimen qamaýǵa alyndy.

Eske sala keteıik, buǵan deıin Saýd Arabııasy Magdebýrg bazaryndaǵy lańkestik áreketti aıyptaǵanyn jazǵan edik.