Ankarada Qazaqstan-Túrkııa ınvestıtsııalyq forýmy ótedi

ASTANA. QazAqparat - 12 qyrkúıekte Ankara ýaqytymen saǵat 12:00-de MARRIOT ANKARA qonaqúıinde Qazaqstan-Túrkııa ınvestıtsııalyq forýmy ótedi, dep habarlaıdy QazAqparat «Kazakh Invest» kompanııasyna silteme jasap.

Forým aıasynda yntymaqtastyq týraly sharttar men birqatar memorandýmdarǵa qol qoıylady.

Forýmnyń basty maqsaty - túrik ınvestorlaryn Qazaqstan ekonomıkasymen, ınvestıtsııalyq ahýalmen tanystyrý, ınvestıtsııa tartýǵa jáne eki eldik iskerlik ortasy arasyndaǵy saýda-ekonomıkalyq qarym-qatynasty nyǵaıtýǵa baılanysty memlekettik baǵdarlamalar usyný, sondaı-aq ózara tıimdi yntymaqtastyq bolashaǵyn talqylaý úshin eki memlekettik kásipkerleri úshin alań usyný.