Ankarada «Qazaqstan-Túrkııa Dostyq velotregi» ótti
Bul velotýr – Túrkııa velosıped sportshylary men basqa memleket ókilderiniń birlese uıymdastyryp otyrǵan alǵashqy is-sharasy.
Atalǵan is-shara Qazaqstan Respýblıkasynyń Táýelsizdiginiń 30 jyldyǵyna oraılastyryldy. Velotýr Ankara qalasynyń Úmitkóı aýdanynan bastaý alyp, Túrkııa Respýblıkasynyń negizin qalaýshy tuńǵysh prezıdenti Mustafa Kemal Atatúriktiń kesenesi – «Anytkabır» tarıhı-mádenı keshenine deıin jalǵasty. Týr sońynda sportshylar Atatúrikke taǵyzym etip, Anytkabırdi zııarat etip shyqty. Óz keginde, bul velotýrdyń Atatúrik mavzoleıine deıingi baǵytta uıymdastyrylǵan alǵashqy týr ekendigin atap ótken jón.
Túrik eliniń bas qalasynda ótken velotýrǵa 50-den astam adam qatysty. Velotýrǵa Elshi Abzal Saparbekuly bastaǵan dıplomattar toby, kásipqoı sportshylar, stýdentter men áýesqoı velosportshylar jáne túriktiń ulttyq sportshysy Ahmet Qaharmen Aqıýrek pen qazaqstandyq sportshy Damır Kýsheev qatysty. Іssharaǵa qatysýshylardyń qaýipsizdigi Túrkııanyń Polıtsııa Bas basqarmasy tarapynan qamtamasyz etildi.
Eske sala ketetin bolsaq, Qazaq-túrik baýyrlastyǵy men dostyǵyn beıneleıtin joba aıasynda qazaqstandyq áýesqoı velosportshy Damır Kýsheev 25 maýsymda Túrkııany velosıpedpen aralap ótý maqsatynda Ystambuldan attanǵan bolatyn.
Qazaqstan azamaty bir aı boıy Ystambul-Antalıa-Ankara baǵytynda Túrkııanyń qalalaryn velosıpedpen aralap keledi. Aldymen sportshy Ystambul-Bılejık baǵytyna bet aldy. Sosyn Kýtahııa, Afıonkarahısar, Býrdýr, Antalııa, Kash, Fethıeni ótip, Polatlyǵa taban tiredi. Sapary barysynda temir tulpar mingen jıhankezdi Qazaqstan Elshiliginiń qoldaýymen jergilikti ákimshilikter saltanatty rásimmen qarsy alyp, qaýipsizdigin qamtamasyz etti. Sportshynyń aıtýynsha, Túrkııanyń shartarabyndaǵy turǵyndar qazaqstandyqty jyly qonaqjaılylyqpen qarsy alǵan. Týystas eldegi velosapar el astanasyndaǵy velotýrmen óz máresine jetti.
Damır Kýsheev bul velosaparyn Qazaqstan táýelsizdiginiń 30 jylydyǵyna arnaǵan. Sportshy Túrkııanyń elimizdiń táýelsizdigin moıyndaǵan alǵashqy el bolýyna baılanysty kezekti velosaparyn Túrkııa aımaǵynda ótkizýge bel býǵandyǵyn aıtady.
Taǵy qosa ketetin jaıt, Túrkııa aýmaǵyndaǵy Damır Kýsheevtiń velotýry elimizdiń táýelsizdiginiń 30 jyldyǵyna oraı 30 kún boıy jalǵasty.
