Ankarada Qazaqstan Prezıdentiniń halyqqa joldaýy talqylandy

NUR-SULTAN. QazAqparat - Qazaqstannyń Túrkııadaǵy Elshisi Abzal Saparbekuly Ankaranyń ANKASAM zertteý ortalyǵynyń uıymdastyrǵan jıynynda Qazaqstan Respýblıkasynyń Prezıdenti Qasym-Jomart Toqaevtyń halyqqa joldaýyna qatysty «Qazaqstan Prezıdenti Qasym-Jomart Toqaevtyń halyqqa joldaýy: júıeli reformalardy jalǵasy» taqyrybynda baıandama jasady.

Jıynǵa Mehmet Seıfettın Erol bastaǵan ANKASAM ujymy men BAQ ókilderi qatysty, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Jıynda sóz sóılegen ANKASAM zertteý ortalyǵynyń basshysy professor dok. Mehmet Seıfettın Erol, Túrkııa men Qazaqstan arasyndaǵy yntymaqtastyq odan ári jalǵasyn tabatyndyǵyna senim bildirdi.

Túrik áleminiń bolashaqta keń geografııada mańyzdy ról atqaratynyna nazar aýdarǵan Erol: «Myqty Qazaqstan - myqty túrik álemi. Ol kúsh túrik áleminiń geosaıasatynyń tiregi. Ankara-Nur Sultan osy geosaıasattyń negizgi osin quraıdy» dedi.

Atalǵan jıynǵa qatysty Túrkııanyń aqparattyq quraldarynda biraqatar jańalyq jaryq kórdi.