Ankarada qaza tapqan órt sóndirýshilerdiń súıegine DNK saraptamasy júrgiziledi

ASTANA. KAZINFORM – Eskıshehır provıntsııasynda orman órti kezinde qaza tapqan 10 adamnyń súıegi DNQ saraptamasy úshin Ankaraǵa jetkizildi, dep habarlaıdy AZƏRTAC.

Eskıshehır provıntsııasynyń Seıtgazı aýdanyndaǵy orman alqabynda órtti sóndirý kezinde bes AKUT eriktisi men orman sharýashylyǵynyń bes qyzmetkeri ot qursaýynan shyǵa almaı qalǵan.

Bılik ókilderiniń málimetinshe, qaıǵyly jaǵdaı órt baǵytynyń kúrt ózgerýinen keıin bolǵan.

Qaza tapqandardyń máıitteri aldymen Afonkarahısar provıntsııalyq memlekettik aýrýhanasyna jetkizilip, keıin el astanasy Ankaraǵa jóneltildi. Qaza bolǵandardyń týystary men jaqyndary da Ankaraǵa kelip, denelerdi taný jáne sáıkestendirý protsesiniń aıaqtalýyn kútip otyr.

Túrkııanyń ádilet mınıstri Iylmaz Týnchtyń málimdeýinshe, Eskıshehır men Afonkarahısar provıntsııalarynyń prokýratýralary on azamattyń qazasyna baılanysty qylmystyq is qozǵaǵan.

Sonymen qatar, Túrkııa Densaýlyq saqtaý mınıstrligi orman órti aımaǵynda zardap shekken alty adamnyń jeteýi aýrýhanadan shyqqanyn habarlady. Bir adamnyń jaǵdaıy aýyr dep baǵalanyp otyr.

Aıta ketelik Túrkııadaǵy orman órtinen eki adam qaza tapqan edi.