Ankarada ІH Áıelder jáne etno-sán aptalyǵy ashyldy
ASTANA. KAZINFORM — Ankarada TÚRKSOI uıymynyń IX Áıelder jáne etno-sán aptalyǵy bastaldy. Oǵan túrki álemindegi memleketter men óńirlerdiń dızaınerleri jáne mádenıet ókilderi jınaldy, dep habarlaıdy Kazinform agenttiginiń Ankaradaǵy menshikti tilshisi.
Jıyn tarıhı «Estergon» kesheninde ótken «TÚRKSOI — Uly Jibek jolynda» atty etno-kórsetilimmen ashyldy. Іs-sharany Halyqaralyq túrki mádenıeti uıymy (TÚRKSOI), Túrkııanyń Yntymaqtastyq jáne úılestirý agenttigi (TİKA) jáne Ankaranyń Kechıóren aýdanynyń ákimdigi uıymdastyrdy.
Kórsetilimge túrli elderden, sonyń ishinde Qazaqstannan kelgen 20 dızaıner qatysty. Sán alańynda ulttyq kıim úlgileri, dástúrli oıý-órnekter men qolóner tehnıkasy negizinde ázirlengen zamanaýı toptamalar usynyldy.
Mádenı murany saqtaýdaǵy áıelderdiń róline erekshe mán berildi. TÚRKSOI Bas hatshysy Sultan Raevtyń jubaıy Saǵynbıýbıý Alaeva dástúrli kıimder, oıý-órnekter men keste óneri Túrki halyqtarynyń ǵasyrlar boıǵy mádenı jadyn aıshyqtaıtynyn atap ótti. Kechıóren ákimi Fılız Ózárslannyń jubaıy ulttyq dástúrlerdi keńinen nasıhattaýda zamanaýı dızaınnyń mańyzy zor ekenin aıtty.
Baǵdarlamanyń mýzykalyq bóligin Saha (ıAkýtııa) elinen kelgen ánshi ıÝlıana Krıvoshapkına usyndy. Sonymen qata aptalyq aıasynda dástúrli kıimder men zamanaýı etnıkalyq obrazdardy paıdalana otyryp, Ankaranyń tarıhı-mádenı oryndarynda fotosessııalar uıymdastyryldy.
Ankaradaǵy is-sharalardan keıin TÚRKSOI-dyń IX Áıelder jáne etno-sán aptalyǵynyń baǵdarlamasy Kappadokııa men Izmırde jalǵasady.
Buǵan deıin Túrkııanyń Konıa provıntsııasyndaǵy Seljúk ýnıversıtetinde Túrki álemi elderi men ózge de memleketterden kelgen jas zertteýshilerdiń basyn qosqan VIII Dástúrli jazǵy mektep óz jumysyn bastaǵanyn jazǵan bolatynbyz.
