Ankarada Baýyrjan Momyshuly týraly jańa kitaptyń tusaýkeseri ótti
ALMATY. QazAqparat- Qazaqstannyń Túrkııadaǵy Elshiliginiń uıymdastyrýymen Keńes Odaǵynyń batyry, Ekinshi dúnıejúzilik soǵystyń dańqty qolbasshysy, áskerı strateg jáne belgili jazýshy Baýyrjan Momyshulynyń 111 jyldyǵyna oraı túrik ǵalymy Ashýr Ózdemirdiń «Túrkistannyń ot balasy Baýyrjan Momyshuly» atty kitabynyń tusaýkeseri ótti, dep habaplaıdy QazAqparat tilshisi.
Іs-sharaǵa túrik zııaly qaýym ókilderi, qazaq jáne túrik stýdentter men BAQ ókilderi qatysty.
Jıynda sóz sóılegen Elshi Abzal Saparbekuly bıyl Qazaqstan Táýelsizdiginiń 30 jyldyq mereıtoıy ekenin jáne elimizdiń egemendigin alǵash bolyp moıyndaǵan baýyrlas Túrkııanyń ornynyń erekshe ekenine tilge tıek etti.
Osyǵan baılanysty Elshi Túrkııada kóptegen is-sharalardyń ótkizilgenin eske salyp, búgingi is-sharanyń da táýelsizdik mereıtoıyna jáne qazaqtyń birtýar batyry ári jazýshysy Baýyrjan Momyshulynyń rýhyna taǵzym jáne onyń 111 jyldyǵyna tartý ekenin atap ótti.
Abzal Saparbekuly mundaı is-sharalardyń mádenıet pen ádebıetti damytýda erekshe oryn alatynyn jáne eki el arasyndaǵy baýyrlastyqty odan ári damytatynyn aıtty.
«Baýyrjan Momyshuly Keńes odaǵy azamaty jáne Qyzyl armııa qolbasshysy. Degenmen de ol ómir boıy ulttyq bolmysyn saqtap, ulttyq rýhyn bıik kóterip ótken óz halqynyń bel balasy. Sondyqtan ol sol kezeńde jappaı qoldanylatyn – ov jurnaǵyn tegine almaı, uly sózin qoldanyp, «Momyshuly» tegin maqtanyshpen alyp júrgen naǵyz qaharman»,- deıdi ol.
Shara barysynda «Túrkistannyń ot balasy Baýyrjan Momyshuly» atty kitabynyń avtory belgili ǵalym, túrik tili men ádebıetiniń oqytýshysy jáne aýdarmashy Ashýr Ózdemir Túrkistannyń júregi - Qazaqstan memleketiniń tarıhyna, onyń mádenıeti men ádebıetine toqtaldy.
Ál-Farabı, Ahmet ıAssaýı, Abaı, Balasaǵun sııaqty uly danalardyń mekeninde dúnıege kelgen Baýyrjan Momyshulynyń kim bolǵany, onyń ómiri, soǵys kezindegi bastan keshirgen oqıǵalary men soǵystan keıingi jazýshy retindegi ómiri týraly keńinen baıandady.
«Túrkistannyń ot balasy Baýyrjan Momyshuly» atty kitap úsh bólimnen jáne sońǵy sózden turady.
Birinshi bólimde Baýyrjan Momyshulynyń otbasy, balalyq shaǵy, mektep shaǵy men áskerlik ómiri, ásker sońyndaǵy ómiri, boıyndaǵy adamı qasıetteri týraly baıandalady.
Ekinshi bólimde Baýyrjan Momyshulynyń túıgen oı-pikirleri, qazaq ádebıeti týraly kózqarastary jáne ádebı aýdarmalar men tilge jáne qazaq tarıhyna, otansúıgishtik jáne ultjandylyq, ana men otbasy týraly oı-pikirleri aıtylady. Sonymen qatar, bul bólimde kommýnıstik partııa, kommýnızm, Lenın men Stalın, Keńes odaǵy týraly batyrdyń oı-pikirlerine oryn berilgen.
Úshinshi bólimde ómiriniń ádebıetke baılanysty kózqarastary, jazǵan shyǵarmalary, áskerı shyǵarmalar, óleńderi, maqal-mátelder, jazǵan hattar, maqalalary men gazetke shyqqan maqaqalary, áskerı estelikteri, saıahattary, roman, oqıǵalar, áńgimeleri baıandalady.
Іs-shara barysynda B.Momyshulynyń óz daýsymen túsirilgen qysqasha derekti fılm kórsetildi. Jınalǵan qaýym bul fılmnen tereń áser alyp, Baýyrjan Momyshulyn odan ári tanı tústi.
