Ankarada arnaıy operatsııadan keıin 350 polıtsııa qyzmetkeri jumystan bosatyldy
ASTANA. 7 qańtar. QazAqparat - Túrkııa Úkimeti jemqorlyqqa qarsy iri operatsııanyń nátıjesi boıynsha eldiń astanasy Ankarada 350 polıtsııa qyzmetkerin jumystan bosatý týraly sheshim shyǵardy.
VVS-diń jazýynsha, qarjylyq qylmystardy, kontrabandany jáne uıymdasqan qylmysty tergeý boıynsha basqarmalardyń basshylary óz laýazymdarynan aıyryldy.
Jappaı jumystan bosatý keshe keshke bastalǵan. Qyzmetinen ketken tártip saqshylarynyń ornyna negizinen basqa qalalardan iriktelingen 250 adam shaqyryldy.
Ótken jyldyń jeltoqsanynda jemqorlyq isi boıynsha daýly tergeýden keıin el boıynsha birneshe júzdegen polıtseıler qyzmetinen bosatyldy.
Sonymen qatar polıtsııa operatsııasy barysynda balalary ustalǵan úsh mınıstr otstavkaǵa ketken bolatyn.
Sol kezde Túrkııa Premer-Mınıstri Redjep Taıyp Erdoǵan bul tergeýdi óziniń úkimetine qarsy «astyrtyn áreket» dep málimdegen edi.
