Ankarada 1 sáýirge deıin jappaı mıtıngi ótkizýge tyıym salyndy

ASTANA. KAZINFORM – Ankara gýbernatorlyǵy naýryzdyń 26-sy men sáýirdiń 1-i aralyǵynda jappaı is-shara, jıyn jáne mıtıngi ótkizýge tyıym saldy. Bul týraly jergilikti ákimshiliktiń málimdemesinde jazylǵan, dep habarlady TASS. 

– 26 naýryzda saǵat 00:00-den bastap 23:59-ǵa deıin jabyq jáne ashyq alańdarda jappaı jınalystar, demonstratsııalar, sherýler, baspasóz málimdemeleri, otyrystar, qol jınaý naýqandary jáne osyǵan uqsas aktsııalar men is-sharalarǵa, sondaı-aq únparaqtar taratýǵa jáne bannerler ilýge tyıym salynady, - delingen habarlamada.

Buǵan deıin Ankara, Ystambul jáne Izmır bıligi 23 naýryzda Ystambul meri Ekrem Imamoglynyń tutqyndalýyna baılanysty jappaı sherýlerge tyıym salǵan bolatyn. 19 naýryzdan beri Túrkııanyń qalalarynda Imamoglýdy qoldaıtyn sherýler kún saıyn ótip jatyr. Narazylyq aktsııasynyń keıbiri demonstranttar men polıtsııa arasyndaǵy qaqtyǵystarmen aıaqtaldy.

Aıta keteıik, Túrkııada 19 naýryzdan beri jalǵasyp jatqan narazylyqtar kezinde 1 133 adam ustaldy. Bul týraly eldiń ishki ister mınıstri Alı Erlykaıa málimdedi. 

Sondaı-aq Erlykaıa Túrkııadaǵy zańsyz narazylyqtar kezinde 123 polıtsııa qyzmetkeri jaralanǵanyn málimdedi. 

Túrkııadaǵy narazylyqqa baılanysty Qazaqstannyń Túrkııadaǵy elshiligi málimdeme jasady.