Ankara ulttyq ıadrolyq baǵdarlamasyn iske qosty

ASTANA. KAZINFORM — Túrkııa «Ulttyq tehnologııalyq serpilis» baǵdarlamasy aıasynda óz ıadrolyq reaktorlaryn jasaý jobasyn iske qosty, dep habarlaıdy Kazinform tilshisi.

Bul bastama týraly eldiń ónerkásip jáne tehnologııalar mınıstri Mehmet Fatıh Kadjyr málimdedi. Onyń aıtýynsha, jobanyń maqsaty – jasandy ıntellekt, qorǵanys ónerkásibi, hımııa jáne metallýrgııa sekildi strategııalyq salalar úshin turaqty, kómirteksiz jáne úzdiksiz energııamen qamtamasyz etý.

«Biz ıadrolyq energetıkada óz jolymyzdy qalyptastyramyz. Bul jaı ǵana energetıka máselesi emes, bul – táýelsizdik, tehnologııalyq qýat pen turaqty damý máselesi», – dedi mınıstr.

Jańa baǵdarlama aıasynda zertteý ortalyqtary qurylyp, mamandar daıarlaý, óndiristik baza damytý jáne qaýipsizdik pen ekologııa salasyndaǵy zamanaýı sheshimderdi engizý kózdelgen. Jobany memlekettik qurylymdarmen qatar jeke sektor, ýnıversıtetter jáne tehnologııalyq startaptar júzege asyrady.

Aıta keteıik, qazir Túrkııa Reseıdiń qatysýymen eldegi alǵashqy atom elektr stantsııasy — «Akkýıý» jobasyn iske asyryp jatyr.

Al jańa baǵyt ulttyq tehnologııalar men jobalyq sheshimderdi tolyqqandy damytýǵa negizdelmek.