Ankara: Reseı AQSh-ty Sırııaǵa qatysty kelissózge shaqyrýǵa kelisti

ASTANA. QazAqparat - Máskeý AQSh-tyń Sırııadaǵy jaǵdaıdy beıbit jolmen retteý boıynsha kelissózge qatysýyna kelisti, dep málimdedi Túrkııa SІM basshysy Mevlıýt Chavýshoglý. Kelissóz Astanada 23 qańtarǵa belgilengen, dep habarlaıdy dw.com.

Reseı AQSh-tyń Sırııadaǵy jaǵdaıdy beıbit jolmen retteý boıynsha kelissózge qatysýyna  kelisedi, dep málimdedi 12 qańtarda, beısenbi Túrkııa syrtqy ister mınıstri Mevlıýt Chavýshoglý. «AQSh-ty qandaı jaǵdaıda bolsa, shaqyrtý qajet, bul jaıynda Reseımen kelistik», dep málim etken  Chavýshoglý. Onyń sózderin AFP agenttigi jarııa etti.

Damaskide sırııalyq basshylyq  pen kóterilisshiler ókilderiniń azamattyq kıkiljińdi saıası jolmen sheshý týraly kelissózderi Astananda 23 qańtarda ótýi tıis. Ol Reseı, Túrkııa jáne Iran bastamasymen ótedi. Túrkııa sırııalyq kóterilisshilerge qoldaý kórsete otyryp qurd qarýly toptaryna qarsy kúres júrgizedi. Al, Reseı men Iran prezıdent Bashar Asad jaǵynda.